Blog Guru

SAJAK & LAGU KAULINAN BARUDAK

DURIAT BEJAD

Hirup teh durang duraring

hirup teh uring - uringan

hirup teh tatarucingan

hirup teh uing - uingan

Polah jalma ieung saha nu terang

sanajan caang ku neon

kumelendang di pawenangan

ngumbar hirup kokomoan... kokomoan

karalang - kuriling cingogo di Basisir

sumpar - sampeur semu riweuh

sugan aya kapal layar

ceuk beja aya nu herang

bentang lembur pabuaran

nunggeulis kabina - bina

widadari ti Ramayana

aeh.. duriat bejat

moreleng bebende batur

ngumbar godob keur sorangan

lir Rahwana ngarebut Shinta

ceuk beja duriat bejad

lalakon jalma nu weureu

kabura para denawa

teu kaop aya gogoda

Oleh Habib Apri Hermawan, S.Pd

Diupload : Senin, 3 November 2025, pukul 14:12:14

Kontak

Jl. Kapten Muslihat No.22, RT.04/RW.01, Paledang, Kecamatan Bogor Tengah, Kota Bogor, Jawa Barat 16122

(0251)8327068

© smpbudimuliabogor.sch.id, All Right Reserved.